العودة   منتديات اذاعة حب > الاقسام الادبية والقصص > قصص وحكايات - روايات طويلة 2016 - Stories

قصص وحكايات - روايات طويلة 2016 - Stories Stories 2016 , قصص طويلة , قصص حب , قصص بنات , قصص رعب , قصص جديدة , قصص مؤثرة , روايات حب , روايات طويلة , روايات رومانسية , قصص مثيرة , روايات رعب






New topics in قصص وحكايات - روايات طويلة 2016 - Stories

قصة واقعية مصرية ، قصة معبرة وجميلة 2015

تقول صاحبة القصة انا جاية النهاردة عشان احكيلكم حكايتى عشان ادى الامل لكل واحدة يائسة وبتقول خلاص مفيش فايدة عمرى ما هفرح انا ربنا كتب عليا الحزن والتعاسة ف الاول

إضافة رد
 
LinkBack أدوات الموضوع انواع عرض الموضوع
  1
! حب اف ام  !
افتراضي قصة واقعية مصرية ، قصة معبرة وجميلة 2015



تقول صاحبة القصة
انا جاية النهاردة عشان احكيلكم حكايتى عشان ادى الامل لكل واحدة يائسة وبتقول خلاص مفيش فايدة عمرى ما هفرح انا ربنا كتب عليا الحزن والتعاسة
ف الاول عايزة اديكم نبذة سريعة عنى من غير ما اطول عليكم
انا بنت يتيمة امى ماتت مشفتهاش
وابويا حصلها وانا عندى اا سنة
وبقيت لوحدى لا ام ولا اب ولا اخت ولا اخ ولا حتى معاش


واللى ربتنى عمتى حبيبتى يار ب يخليهالى ويكمل شفاها على خير قولو اااااااامين
ا
طبعا الحياة ابدا مكنتش وردى اليتم احساس صعب جدا
له مرارة خلتنى اشوف الدنيا كلها ضدى
لا حب ولا حنية ولا طبطبة
كانت عمتى جد اوى وشديدة ف تربيتها ليا وكنت دايما بحس انها بتقسى عليا اكتر من اولادها
والطبطبة والحنية مش موجودين ف قاموسها
هى كانت بتحبنى وتخاف عليا جدا
بس كانت شايفة انى امانة عندها لازم تحافظ عليا لحد ما توصلنى لبر الامان
كانت ممكن تتساهل مع ولادها لكن انا لأ
طبعا الكلام ده مفهمتوش غير بعدين لكن وانا صغيرة كنت بحس انى ضيفة تقيلة غير مرغوب فيها
واللى هون عليا حياتى بنت عمتى الصغيرة
اللى هى كانت اختى وصاحبتى وكل حاجة ليا ف الدنيا
يارب يرزقها ايام حلوة كتير ويبارك لها ف حياتها


المهم كبرت ودخلت الجامعة وف اخر سنة اتقدملى جوزى
حبيته جدا
وقولت خلاص الدنيا ضحكتلى


وعمتى حبيبتى جهزتنى احلى جهاز
واتعملى احلى فرح
المشكلة الوحيدة انى اتجوزت مع حماتى
هى كانت ست طيبة اوى
بس طبعا كان بيت عيلة بقى ناس رايحة وناس جاية
وطبعا من وقت للتانى ميمنعشى من شوية مناشات ومشاكل بينى وبين حماتى
او بينى وبين جوزى وبردو فضل جوايا احساس انى ضيفة والبيت ده مش بيتى
وكنت بقول يا بت اصبرى بكرة يجيلك اللى يفرح قلبك
ويقولك احلى كلمة ف الدنيا
ماما اتحرمت من انى اقولها بكرة اجيب 10 عيال
ويفضلو يقولوهالى لحد ما اشد ف شعرى
وفات كام شهر ومحلصش حمل وجريت ع الدكترة
وعرفت انه عندى تكيس ع المبايض
قولت معلش الدنيا اتقدمت والعلاج بقى سهل وبدأت رحلة البحث عن الحلم
قصدى الحمل وشهر ورا شهر
وهوب مبروك انتى حاااااااااامل
مبقتش الدنيا سيعانى
لكن يا فرحة ما تمت
كام يوم والحمل نزل
اتصدمت وعيطت واتقهرت وطبعا جوزى كان مكتئب اكتر منى
موقفش معايا بالعكس كان حزين جداااااااااااا هو اللى كان محتاج حد يصبره
وتاااااااانى جرى على الدكترة تعب وادوية وسفر وبهدلة ومصاريف
ونفس السيناريو حمل ثم اجهاض ثم اكتئاب ثم انهيار
5 مرات و30 40 دكتور
وسنييييييييين عدت سنييييييييين كتييييييييرة اوىىىىىىى
وماتت حماتى والبيت اللى كان بابه مبيتقفلش من كتر الضيوف خلاااااااص
مبقاش حد يخبط علينا
البيت بقى موحش والحياة مملة ومفيش امل
مفيش بس غير صوت السكوت
وانا اكتئبت وبقيت حاسة انه خلاص كام يوم ولا كام شهر وجوزى هيقولى عايز اتجوز مقدرش اعيش من غير اولاد
وكترت خناقتنا ومشاكلنا
وف كل مرة يهددنى بالطلاق وانا كمان مبسكتش ولا بهدى
اللى ميشترنيش بالغالى ابيعه بالرخيص حتى لو كنت بحبه
حتى لو كان مليش مكان اروحه ولا دخل اعيش منه
بس انا بردو كنت ساعات بعذره
صبر عليا كتيييييييير وصرف اللى وراه واللى قدامه
كنت بحسه حيران مابين حبه ليا وبين رغبته انه يخلف ويبقى اب والعمر عمال يحرى




المهم قررت اعمل حقن مجهرى وجمعت فلوس من هنا وهناك
يمكن متكفيش ربع تكاليفه
بس قولت دى اخر محاولة نجحت يبقى الحمد لله
ولو فشلت يبقى كل واحد يروح لحاله
ورتبت كل ظروفى على كده هعد فين بعد الطلاق وهشتغل ايه وعيلتى كانت عارفة كل ده وقفو جمبى وساعدونى كلهم
ودخلت الحقن المجهرى وانا يائسة ومحبطة باختصار كانت نفسيتى زفت
ومريت بحاجات كتييييييييييير ما بين اليأس والامل
بقيت اصلى وادعى واستغفر واتصدق وابكى بين أيادى الله
ويريد رب العزة جل جلاله بعد 12 سنة
يدينى احلى هدية ولد وبنت توأم
واتغيرت الدنيا
كل حاجة اتغيرت
الدنيا كلها نورت
اشكرك ازاى يارب
اللهم لك الحمد كما ينبغى لجلال وجهك ولعظيم سلطانك
لك الحمد حتى ترضى ولك الحمد اذا رضيت بقى عندى سبب اعيش عشانه حتة صغنونة منى ومن احب انسان لقلبى


البيت اللى كنت ببص لحيطانه واودعه اللى كان حزين وساكت
اتملى بالحب والفرح والسعادة
يارب اررزق كل مشتاقة للحمل
يارب ما حد يتحرم ابدا من النعمة دى
يارب استجيب لدعائى لكل صحباتى اللى لسة ربنا مرزقهمش بالحمل
يارب ثبتهم وهون عليهم وارزقهم فرحة تنور حياتهم
يارب يارب يارب




عايزة اقولكم انا اتعذبت كتيييييييير
وصبرت كتييييييييير
مرت عليا لحظات اتمنيت المووووووووت
بس ربنا مخذلنيش كان دايما معايا
هو عارف انى بحبه اوى وانى مليش غيره
بس انتو ارفعو ايديكو بالدعاء وخلى اليقين مالى قلوبكم ربنا هيستجيب وهيقدر الخير لانه رحيم





rwm ,hrudm lwvdm K lufvm ,[ldgm 2015 2017







إضافة رد

الكلمات الدليلية (Tags)
مصرية, معبرة, واقعية, وجميلة, 2017


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 2:27 PM


 

Powered by vBulletin® Version 3.8.7

التعليقات المنشورة لا تعبر عن رأي شبكة ومنتديات اذاعة حب ولا نتحمل أي مسؤولية قانونية حيال ذلك (ويتحمل كاتبها مسؤولية النشر) SEO by vBSEO
مركز تحميل الخليج مركز رفع الخليج مركز الخليج مركز تحميل الصور مركز رفع الصور رفع صور رفع الصور مركز تحميل تحميل الصور مركز